بقلم -د.سامح حليم
جاتني رساله بتقول …أنا تعبت من اولادي وفشلت ف تربيتهم ومش بيسمعوا الكلام خالص وبقي فيه فرق بيني وبينهم وفجوه كبيره وكأننا أعداء بعض وكل ما اقول اعملوا يمين يعملوا شمال وكل ما اضربهم يعندوا اكتر وخلوني بقيت عصبيه وصوتي عالي اعمل ايه …
شوفي فيه قاعده بتقول لكل فعل رد فعل واللي بيزرع بيحصد
واللي بيتهاون من البدايه بتبقي النهايه صعبه ومتعبه
كتير مننا من الاول بيتساهل مع أولاده وبيديهم حريه غريبه وبيدلع قوي ويدلل اولاده كتير وبيجي بعد كده يشتكي
الطفل بيبدا يتوجه من هو عنده سنه
والتربيه الصحيحه مفيهاش استثناءات وأنه ممكن يقول لفظ ونعديه أو يشتم عموما أو يتطاول كنوع من الهزار
او يمد أيده علي حاجه ونعديها أو ينقل كلام ليكي أو لغيرك وتسكتي أو يتهاون ف دروسه أو مزاكرته من البدايه وتسكتي لا
خلي كل شي ليه وقته ودا ما يمنعش أنه يكون فيه وقت للعب والانبساط لكن لا تجاوزات اطلاقا مهما أن حصل
ثاني حاجه عودي ابنك علي تربيه معينه ومتخليش حد من الاقارب أو الجيران يتدخل لان اوقات الجده والخاله بتدلع قوي ودا مش صح
اربطي ابنك بعلاقه حلوه مع ربنا وساعديه علي دا
وعلميه الأصول والاحترام للكل ..والكبير ليه احترامه ساعتها اول حد هيحترمه جدا هو انتي
التربيه الصحيحه متعه واحتواء واحتضان وحزم
أما عن أن الاولاد كبروا ومش نافع معاهم تربيه
هقولك …غيري من طريقه تفكيرك تجاهه وفهميه انك بتحبيه هو بتكرهي الأخطاء واقعدي مع ابنك وخلي فيه صداقه ومهما أن حكي أنه غلط اسمعيه واحتويه واقفي جنبه وخلي فيه وضوح وخلي فيه حوار باحترام وتقدير وصاحبيه انتي علشان محدش غيرك يصاحبه ويدخل جواه فكر غريب ….ساعتها هيحس أنه ليه قيمه وتقدير
التربية الصحيحة
